ခရီးသွားနေပါသည်

ခရီးသွားနေစဉ် အသစ်မတင်နိုင်သေးပါ
ဒါကြောင့်....ငယ်ငယ်က ရေးခဲ့ဖူးတဲ့ ကဗျာလေးနှစ်ပုဒ် ပြန်လည်ခံစားခဲ့ပါတယ်။
အဲဒီအချိန် လွန်ခဲ့တဲ့ (၁၂) နှစ် လောက်က
ကျွန်တော်တို့ ရင်ထဲမှာ ကာရန်ကဗျာလေးတွေ လွှမ်းမိုးခံရတုန်းပါဘဲဗျာ။

ခရီးသွားနေစဉ် ။
ဂန္ထ၀င် ကဗျာလေးနှစ်ပုဒ်နဲ့ နှုတ်ဆက်ခဲ့ပါတယ် ငါ့အိမ်လေးရယ်
““ထာဝရ””
ငယ်အလှဆိုတာ
တကယ်ဘ၀ မဟုတ်သေးပါဘူး
အလှတွေ ဝေဆာလို့
ဘ၀နေ အခြေရာကို မေ့ပြီး
မာနကို ကြေငြာလိုက်ပါနဲ့ ကလေးရယ်။

အတွေးမမှားဘဲ
ဝန်းကျင်ကို အလေးထားဘို့ရာ
မေတ္တာသဘောနဲ့
ချစ်စွာသော ကလေးကို
အရေးလေးပြပြီး
ဆေးလေးတစ်ခွက် မျှတာပါ။

ကိုယ့်အတွက်တော့
ဒေါသပဲ ကြီးကြီး
မာနပဲ ကြီးကြီး
အသီးသီးသော အပြစ်တွေပယ်
အချစ်တွေဆယ်ပြီး
တကယ်မငြီးနိုင်တဲ့ အဖြစ်
အချစ်အချစ် ထာဝရ ချစ်နေမှာပါကွယ်။

““ဘ၀ရထား””
တချုန်းချုန်းခုတ်အပြင်း
ဒီရထားတစ်စင်းပေါ်
စီးနင်းလိုက်ပါရင်း
ငြိမ့်ငြောင်းခြင်း အရသာ
ခဏမကြာ တွေ့ထိ
အလေ့ရှိသည် အဟုတ်ကြံ
ဒုက္ခံတွေလည်း ရှိခဲ့ပေါ့။

ပြုသမျှ နုယ
ယခုလှတာ အတိတ်ကောင်း
ပြုသမျှဟာ အနာဂတ်မှာပေါင်း
ကောင်းမကောင်း အကြောင်းရဲ့  စီမံချက်ပေါ့။

ဒီရထား
အမည်စကားတစ်ခုရဲ့  ဘ၀
လှလှဆိုးဆိုး
အမျိုးမျိုးမတွေး
တရေးရေး ပြေးဆွဲ
ဘယ်မလဲ ဘူတာ
လူတကာ သိရင်တော့။

Read more...

အသံဆာ

ဝေဒနာ အလွမ်းတွေ ထွေးပိုက် စိတ်ကူးယဉ် အိပ်မက်တွေကိုပဲ နမ်းရှိုက်လို့
အတူနေခွင့်မရှိတဲ့ ဘ၀ တစ်ခြမ်းပဲ့ ပန်းဗေဒါ
နှလုံးသား၊ ဆာလောင်၊ မျိုသိပ်၊ တိတ်တိတ်ကွဲ ကြေ
မှန်အစအနများကြားမှာ မြင်နေရတဲ့ မျက်နှာတစ်ခြမ်း
အထီးကျန်နေ့ရက်တွေကို မရေမတွက်နိုင်အောင် ပိုင်ဆိုင်ခဲ့ရတယ်
ချစ်ကြောင်း လွမ်းကြောင်း ဂရုတစိုက်ရှိလိုကြောင်း ပြောဖို့ အသံဆာ နှုတ်ခမ်းတစ်စုံ

Read more...

အဖြေညှိလို့ မရတဲ့ အလေအလွင့် နွံအိုင်

ဒီလိုဘဲ ပိုးစိုးပက်စက် ဆူလောင်နေတဲ့ အသဲက
နင့်နင့်သီးသီး တုန်ခါနှုန်း အားအင် ပြင်ထန် လေမုန်တိုင်း စိတ်ဆွရာသီ
မြိမြိသွေးထားတဲ့ ဓားတစ်ချောင်း နင့်မျက်လုံးထဲမှာ စိုက်ထောင်လို့
ထိုးလိုက်... ငွေ့  ငွေ့  ပြတ်တောင်းလု အပ်ချည်မျှင် တစ်ပင်ပေါ်မှာ ငါ့ မျှော်လင့်ချက်လေး ရှိတယ်
ငါ ချစ်ဆိုရင် ချစ်လို်က် ငါခေါ်ရင် လာခဲ့လိုက် အလုပ်ကိစ္စ အကြောင်း အဆိုမတင်သွင်းနဲ့
တိုးလိုက်...ငါ လှန်ဆိုရင် လှန်လိုက် နင် အစကတည်း ဘာမှ ၀တ်မထားတာ ကောင်းတယ် နှလုံးသားကို
နှစ်ယောက်သား အချစ်ကို ကိုယ်းကွယ် နေကြမယ် ပီးမှ ဘာလေးညာလေး လာမဆစ်နဲ့ 
အဲဒီလိုမျိုး ရွပိုးထိုးအောင် ငါ မျှော်လင့်မိပေမဲ့ မျှော်လင့်မှုမှာ ဂက်အိုးပေါက်ကွဲ
အခုတော့ ပုရွက်ဆိပ်တွေ ၀ိုင်းကိုက်ခံနေရတဲ့ ထန်လျက်ခဲပေါ်မှာ အသဲ တစ်စုံ ပိုးစိုးပက်စက်
ဒီလိုဘဲ အဖြေညှိလို့ မရတဲ့ အလေအလွင့် ဆာလောင်မှု နွံအိုင်အောက်မှာ
လာ ငါ့လူ ပေါက် ကွဲမှုတွေ လျော့လာအောင် အက်တာနက်ဆိုင်က ကွန်ပျူတာတွေ အကုန်ပေါက်ခွဲမယ်
လာ ငါ့လူ ပေါက် ကွဲမှုတွေ လျော့လာအောင် ကြိုးကျဲနေတဲ့ ပလက်ဖောင်းတွေ အကုန်ပေါက်ခွဲမယ်
လာ ငါ့လူ ပေါက်ကွဲမှုတွေ လျော့လာအောင် သောက်မရတော့တဲ့ ဘီယာခွက်တွေ အကုန်ပေါက်ခွဲတွေ
လာ ငါ့လူ ပေါက်ကွဲမှုတွေ လျော့လာအောင် အမြည်းမပါတဲ့ ပန်းကန်ပြားတွေ အကုန်ပေါက်ခွဲမယ်
လာ ငါ့လူ ပေါက်ကွဲမှုတွေ လျော့လာအောင် မချစ်တတ်တဲ့ ကောင်မလေးတွေရဲ့  အသဲနှလုံးတွေ အကုန်ပေါက်ခွဲမယ်
ဒီလိုဘဲ လေထွက်နေတဲ့ စိတ်က လူးလူးလွန့် လွန့်  ရင်နာခွင့် မရှိအောင်ကို နာကျင်နေတယ်။

Read more...

စိတ်ပျက်စရာကောင်းတဲ့ ဇာတ်ဝင်ခန်း

စာမကျက်ချင်ပေမယ့် ကျောင်းသားပဲ လုပ်ချင်နေခဲ့တယ်
မုန့် ဖိုးတောင်းလို့ လွယ်သလိုလို ဘာလိုလို ညာလိုလို ဟိုဟာလိုလို ဒီဟာလိုလို
လူကြီးလုပ်ဖို့ အသက်ကြီးရမှာ ကြောက်ကြောက်နေခဲ့
လူကြီးလိုလို ကလေးလိုလို လိုလိုတွေနဲ့ လော်လီနေဆဲလူ။
ဆန်တစ်ခွဲ မရချင်နေ သူများအကြောင်း မပြောပဲ မနေနိုင်
ကဗျာဆရာတစ်ယောက် အရက်မူးပြီး ပန်းကန်ပြားတစ်ချပ် ပေါက်ခွဲ
စသဖြင့် ပါးစပ်က သွေးသံရဲရဲ ညှီဟောက်နေတဲ့ အန်ဖတ်တွေကို အန်နေရတဲ့ အရသာ
စိတ်က လိုချင်မှုနဲ့ ခါးစပ်နေရမှ။

ဘာလုပ်လို့ ဘာကိုင်ရမှန်း မသိတဲ့အခါ အင်တာနက်ပေါ်ကိုပဲ တက်တက်မျှော်မိ
ကဗျာတွေကို အပြိုင်ရေဖျန်းကြ ဒီဇိုင်းတွေ ပြိုင်ဆွဲကြ
ဟီ..ဟိ.. လို့ ရယ်ရယ်နေတဲ့ ဘလော့တွေကို ပါးပိတ်ရိုက်ချင်တယ်
နင် ငါ့ကို ချစ်လား yes/no
အချစ်က ချက်စားလို့မှ မရတာ။

လူစွမ်းမပြနိုင်လို့ကတော့ လူ့ အသင်းအပင်းက အရွေးချယ်ခံရမှာမဟုတ်
တအိအိပျော်ကျနေတဲ့ ရေခဲတုံးကြီးကို စိတ်က စိုးရိမ်တကြီး ဖက်တွယ်ထား
အပျင်းပြေ ရေဒီယိုနားထောင်ဖို့ ဓာတ်ခဲက အားမရှိ
အနာဂတ်မိုးက မထိတထိ ရွာနေ။

Read more...

ငါတို့ ချစ်ခဲ့ကြတုန်းက

ငါတို့ ချစ်ခဲ့ကြတုန်းက
အဖြေပေးပြီး နင် ထွက်ပြေးတယ်
လှည့်အကြည့်မှာ အရှက်တရား မိုးဖွဲဖွဲလေးများ ရွာချ
ချစ်တယ် ရှက်တယ် ကြောက်တယ်။

ငါတို့ချစ်ခဲ့ကြတုန်းက
နှင်းဆီပန်းတွေထက် လှပတဲ့ အပြုံးတွေ
လေတိုက်တဲ့အခါ စောင်အတူခြုံကြ
မချစ်ဘဲ မနမ်းကြေး။

စပယ်ပန်းလေးတစ်ပွင့်
နင့်မျက်နှာလေးလို နုအိလို့
ငါ့နှာခေါင်းက ငါးရံ့ တစ်ကောင်လို ထိန်းရခက်။

ငါတို့  ချစ်ခဲ့ကြတုန်းက
တစ်ယောက်ချင်းစီရဲ့  နာမည်တွေကွယ်ပျောက်
စွယ်တော်ရွက်လေးတစ်ရွက်လို တစ်ဘ၀တည်း ထပ်နေခဲ့ကြတယ်။

Read more...

အီစီကလီ ဖြတ်သန်းမှု ဧရိယာ

ရေအေးအေးနဲ့ မျက်နှာ သစ်
ဘ၀မှာ ဒီလို အေးအေးချမ်းချမ်းနေရရင် အကောင်းသား
ရေကန်ထဲမှာ အတွေးစများကို လှမ်းမြင်နေရ
““လူ နတ် ဗြဟ္မာ သတ္တ၀ါတို့
သဒ္ဓါကွန့်မြူး ပူဇော်အထူး ကို
မျှော်ဖူး ဦးခိုက် ခံယူတော်မူထိုက်သော မြတ်စွာဘုရားအား
အေးမြ ကြည်လင် သန့်ရှင်း စင်ကြယ်လှသော
ဤသောက်တော်ရေချမ်းကို ဆက်ကပ် လှူဒါန်းပါ၏ ဘုရား””
ပဲပလာတာ ဆိုင်တစ်ပွဲ ပါဆယ်တစ်ပွဲ
ဘောလုံးပွဲတွေ အကြောင်း အငမ်းမရ ကုတ်ခြစ်
အရည်မရ အဖတ်မရ ကွမ်းယာ ၀ါးသလို
တောင်သွား မြောက်သွား လျှောက်သွားဖို့
တောင်လုပ် မြောက်လုပ် ရှောက်လုပ်ကြည့်
စပွန်ဆာကိစ္စ အဆင်မပြေ
For lunch ခပ်လန့်လန့် နေ့လယ်စာ
စိန်ခေါ်ရင် တိမ်ပေါ်ထိ တက်ရမယ်
ကင်းမြီးကောက် ဘုရင် ။ ကိုလံဘတ် နဲ့ ကြက်ဥ ရှာပုံတော်
ငါ့ညီမလေးက မင်းအရင် နိုင်ငံခြားကို ရောက်မယ်တဲ့။ အေး။ ကောင်းတယ်။
နင့် ချက်တိုင်မှာ မှဲနီလေးပါလား
မနေ့က ဖုန်းဆက်ထားတဲ့ ညီမလေးထံ ဒီနေ့ ဖုန်းမဆက်ဖြစ်
အိမ်ကို မနက်မှပဲ ပြန်တော့မယ်
အမေ့ရဲ့ အတင်းအဖျင်းတွေ မပြောကြပါနဲ့
မော်နီတာထဲမှာ အတွေးစများကို လှမ်းမြင်နေရ

Read more...

ငြိမ်းချမ်းရေး

ဇာတကနိပါတ်တော်ထဲမှာ မင်းကျင့်တရား ဆယ်ပါးကို အစိုးရတို့လိုက်နာအပ်ကြောင်း ဟောတော်မူထားပါ တယ်။ မင်းကျင့်တရားဆယ်ပါးအား ခုခေတ်ကာလမှာလည်း တိုင်းပြည်ကို ငြိမ်းချမ်းသာယာစွာ အုပ်ချုပ်လိုတဲ့ အစိုးရမင်းများအသုံးချ လိုက်နာကျင့်သုံးထိုက်တယ်။ ဒီမင်းကျင့်တရား(ရာဇဓမ္မ) ဆယ်ပါးကတော့-

၁။ ရက်ရောမှု၊ လွတ်လပ်မှုရှိပြီး တစ်ကိုယ်ကောင်းမဆန်ခြင်း
၂။ တိုင်းသူပြည်သားများရဲ့ ဘ၀သက်သာချောင်ချိရေးအတွက် မိမိရဲ့ ကိုယ်ကျိုးအတ္တကို စွန့်လွှတ် အနစ်နာ ခံခြင်း
၃။ အကျင့်သီလ အဆင့်မြင့်ကောင်းမွန်ခြင်း
၎။ ရိုးသား၊ ဖြောင့်မတ်ပြီး အကြွင်းမဲ့ဂုဏ်သိက္ခာရှိခြင်း
၅။ ကြင်နာ၊ သနားတတ်ခြင်း
၆။ တိုင်းသူပြည်သားများ လေးစား၊ အားကျလောက်အောင် မိမိတို့ရဲ့ဘ၀ အနေအထိုင်
ရိုးသားခြင်း
၇။ အမျက်ဒေါသ ကင်းစင်ခြင်း
၈။ အကြမ်းမဖက်ခြင်း
၉။ သည်းခံတတ်ခြင်း
၁၀။ ပြည်သူလူထုရဲ့ ထင်မြင်ယူဆချက်များကို လေးစားစွာ ငြိမ်းချမ်းရေးနဲ့ ညီညွတ်မှုကို
မြှင့်တင်ခြင်းတို့ဖြစ်ပါတယ်။


ဗုဒ္ဓရှင်တော်ဘုရားက အကြမ်းမဖက်ရေးကိုသာ ဟောကြား ဆုံးမတော်မူပါတယ်။ ငြိမ်းချမ်းရေးကိုသာ တလောကလုံးနဲ့ဆိုင်တဲ့တရားအဖြစ်

သတ်မှတ်ပါတယ်။ လူ့ အသက် ကို ဖျက်ဆီးခြင်းအကြမ်းဖက်မှုကို မြတ်ဗုဒ္ဓခွင့်ပြုတော်မမူပါ။

တရားတဲ့စစ်ဆိုတာဘယ်တော့မှမရှိဘူးလို့လဲ ပြတ်ပြတ်သားသားကြေညာတော်မူခဲ့ပါတယ်။ မြတ်ဗုဒ္ဓ သင်ကြားချက်က “အောင်နိုင်ခြင်းသည် အမုန်းတရားကိုသာ ပွားစေရာ၏၊ ရှုံးနိမ့်သူကား ဆင်းရဲစွာ နေကြရသည်၊ အနိုင်အရှုံးကို ပယ်သောသူသာလျှင် ပျော်ရွှင်ခြင်းသုခနှင့်ငြိမ်းချမ်းခြင်းကို ရနိုင်သည်”ဟု ဓမ္မပဒ မှာ ဟောတော်မူပါတယ်။


(မေးထဲမှ ရတဲ့ ဗုဒ္ဓတရားတော်နဲ့ နိုင်ငံရေးမှ ထုတ်နှုတ်တင်ပြပါတယ်။)

Read more...